ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟಲು ಎಚ್ಪಿವಿ (HPV) ಲಸಿಕಾ ಅಭಿಯಾನ
ಇದೀಗ ಸುದ್ದಿಯಲ್ಲಿದೆ:
- ರಾಷ್ಟ್ರವ್ಯಾಪಿ ಉಪಕ್ರಮಕ್ಕೆ ಅನುಗುಣವಾಗಿ, ಕಿಶೋರಿಯರಲ್ಲಿ ಕಂಡುಬರುವ ಗರ್ಭಕಂಠದ ಕ್ಯಾನ್ಸರ್ ಅನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಕರ್ನಾಟಕ ಸರ್ಕಾರವು ಫೆಬ್ರವರಿ 28, 2026 ರಂದು ಬೃಹತ್ ಹ್ಯೂಮನ್ ಪ್ಯಾಪಿಲೋಮವೈರಸ್ (HPV) ಲಸಿಕಾ ಅಭಿಯಾನಕ್ಕೆ ಅಧಿಕೃತವಾಗಿ ಚಾಲನೆ ನೀಡಿದೆ.
ಈ ಲಸಿಕಾ ಅಭಿಯಾನದ ಪ್ರಮುಖ ವಿವರಗಳು:
- ಉದ್ದೇಶಿತ ಗುಂಪು:- 14 ವರ್ಷ ಪೂರೈಸಿರುವ ಆದರೆ 15 ವರ್ಷದೊಳಗಿನ ಕಿಶೋರಿಯರಲ್ಲಿ ಈ ಅಭಿಯಾನವು ಪ್ರಾಥಮಿಕವಾಗಿ ಗುರಿಯಾಗಿಸಿಕೊಂಡಿದೆ.
- ಯೋಜನೆಯ ವ್ಯಾಪ್ತಿ:- ರಾಷ್ಟ್ರೀಯ ಮಟ್ಟದ ಸುಮಾರು 1.15 ಕೋಟಿ ಗುರಿಯ ಪೈಕಿ, ಕರ್ನಾಟಕದಲ್ಲಿ ಅಂದಾಜು 6 ಲಕ್ಷ ಬಾಲಕಿಯರನ್ನು ಅರ್ಹ ಫಲಾನುಭವಿಗಳೆಂದು ಗುರುತಿಸಲಾಗಿದೆ.
- ಲಸಿಕೆಯ ಪ್ರಕಾರ ಮತ್ತು ಡೋಸೇಜ್:- ಈ ಅಭಿಯಾನದಲ್ಲಿ ಕ್ವಾಡ್ರಿವೆಲೆಂಟ್ ಗಾರ್ಡಾಸಿಲ್-4 ಲಸಿಕೆಯನ್ನು ಬಳಸಲಾಗುತ್ತಿದೆ. ಇದು ನಾಲ್ಕು ಸಾಮಾನ್ಯ HPV ತಳಿಗಳ (6, 11, 16 ಮತ್ತು 18) ವಿರುದ್ಧ ರಕ್ಷಣೆ ನೀಡುತ್ತದೆ. ಪ್ರಸ್ತುತ ರಾಷ್ಟ್ರೀಯ ಮಾರ್ಗಸೂಚಿಗಳ ಅಡಿಯಲ್ಲಿ, ಇದನ್ನು ಒಂದೇ ಡೋಸ್ನ ಇಂಟ್ರಾಮಸ್ಕುಲರ್ (ಸ್ನಾಯುಗಳೊಳಗಿನ) ಚುಚ್ಚುಮದ್ದನ್ನಾಗಿ ನೀಡಲಾಗುತ್ತದೆ.
- ಉಚಿತ ಲಸಿಕೆ:- ಈ ಲಸಿಕೆಯನ್ನು ಸರ್ಕಾರಿ ಆರೋಗ್ಯ ಕೇಂದ್ರಗಳಲ್ಲಿ ಸಂಪೂರ್ಣವಾಗಿ ಉಚಿತವಾಗಿ ಒದಗಿಸಲಾಗುತ್ತದೆ.
- ಅವಧಿ:- ಆರಂಭಿಕ ಹಂತದಲ್ಲಿ ಈ ತೀವ್ರತರವಾದ ಅಭಿಯಾನವನ್ನು ಮಿಷನ್ ಮಾದರಿಯಲ್ಲಿ ಮೂರು ತಿಂಗಳವರೆಗೆ (90 ದಿನಗಳು) ನಡೆಸಲಾಗುತ್ತದೆ. ತದನಂತರ, ಈ ಲಸಿಕೆಯನ್ನು ದಿನನಿತ್ಯದ ವಾಡಿಕೆಯ ರೋಗನಿರೋಧಕ ಕಾರ್ಯಕ್ರಮದೊಂದಿಗೆ ಸಂಯೋಜಿಸಲಾಗುತ್ತದೆ.
ನಿಮ್ಮದೊಂದು ಉತ್ತರ